Сајтовите за е-трговија управувани од кинеските компании „Тенсент“ и „Алибаба Груп“ се ставени на американската листа на озлогласени пазарни ентитети кои наводно продаваат или олеснуваат продажба на фалсификувани стоки.
Списокот опфаќа 42 онлајн пазари и 35 физички пазари за кои е пријавено дека се вклучени или ја олеснуваат трговијата со фалсификувани трговски марки или пиратеријата на авторски права, објави Си-ен-би-си, повикувајќи се на соопштение од Канцеларијата на трговскиот претставник на САД (USTR).
Според соопштението на USTR, на листата се вклучени и „Алиекспрес“ и екосистемот за онлајн шопинг „Вичет“, два големи кинески интернет пазари кои наводно дозволуваат продажба на фалсификувани стоки.
