7. август 2025
Centar.mk – Вести, бизнис, забава, спорт…
вестМАКЕДОНИЈА

Лазаревска: ВМРО-ДПМНЕ да не го блокира Законот за платите во образование туку да дадат оставки за Титаник

Изјава за медиуми на СДСМ, Жаклина Лазаревска, пратеничка на СДСМ

ВМРО-ДПМНЕ продолжува да работи на штета на граѓаните, не се грижи за нивните интереси и благосостојба и единствено што сака е со политички манипулации да заработи ситни партиски поени.

Цела година пратениците на ВМРО-ДПМНЕ го блокираа донесувањето на предлог Законот за наставниците и стручните соработници во основните и средните училишта и со тоа директно го оневозможија покачувањето на нивните плати и трансформацијата на работниот однос на над 4.700 наставници и стручни работници.

Откако цела година оневозможуваше сите наставници и стручни работници во основното и средното образование да добијат повисока плата и насилно и со празни процедурални забелешки ја кочеше собраниската процедура сега ВМРО-ДПМНЕ без трошка срам признава дека предложеното законско решение е добро и исто такво доставува во собраниска процедура.

За жал, ВМРО-ДПМНЕ продолжува со деструктивното однесување и над 4.700 наставници и стручни соработници кои со години посветено работат на образованието и воспитувањето на нашите деца ги етикетираше како партиски послушници.

Ова е уште еден доказ за лицемерието на ВМРО-ДПМНЕ. Оваа партија ниту мисли на граѓаните, ниту сака тие да имаат повисоки плати, ниту се грижи за нивниот животен стандард, а најмалку пак се грижи за квалитетно образование на децата.

Граѓаните ги препознаваат овие проѕирни игри на ВМРО-ДПМНЕ и точно знаат дека политиките на оваа партија не носат ништо добро за нашата земја и за нашите граѓани.

СДСМ со конкретни политики и решенија го подобри стандардот на граѓаните, за 100 проценти ја покачи минималната плата, а работи и на покачување на платите во сите сектори.

Почитувани граѓани,

Пратеничката група на СДСМ и Коалицијата ќе продолжи да работи во интерес на граѓаните и Законот за наставниците и стручните соработници во основните и во средните училишта, предложен од Владата, со кој се покачува платата на наставниците и на стручните соработници и со кој се трансформира нивниот работен однос ќе биде изгласан.

Опозицијата предводена од ВМРО-ДПМНЕ да престане со неодговорното постапување и да се откаже од блокадите на ова, но и на други законски решенија кои носат придобивки за граѓаните.

Можеби ќе ве интересира

НОВ ТЕМПЕРАТУРЕН ШОК ВО НАЈАВА – Синоптичарите излегоа со прогноза за следните 4 дена, чувајте се!

ДЕСК

Откако било пријавено дека на улица во Скопје има вооружени лица со автомати, отишла полиција која била нападната – Детали за ужасниот инцидент во кој се уапсени три лица

ДЕСК

МЕТЕОРОЛОЗИТЕ НАЈАВУВААТ НОВ ТОПЛОТЕН БРАН: “Здравство” излезе со вонредно соопштение за зголемени температури во следните неколку дена – да се почитуваат општите препораки за заштита на здравјето

ДЕСК