„Уште кога почна енергетската криза ние го намаливме ДДВ за резиденцијалните потрошувачи од 18 на 5 отсто, бидејќи го предвидовме ова што се случува“ кажа премиерот Димитар Ковачевски во емисијата „200“ на АлсатМ.
Тој додаде дека исто така се одвоија и финансиски средства од Буџетот, во значителен износ, со цел да се изврши субвенционирање на цената на електричната енергија која што граѓаните ја плаќаат, за да не се случи ценовен шок.
„Не се случи ценовен шок, иако има држави каде што за 50-60 отсто е покачена цената на струјата.“ кажа Ковачевски.
Тој додаде дека од оваа перспектива, државата се уште може да се држи до основното ссценари во однос на цената на електричната енергија.
