„Лесно е од лагодната позиција на професор, кој добива плата од народни пари, кога не сте биле на позиција на нашите 78.646 сограѓани кои добиваа плата од 15 илјади денари, да кажувате дека ако нивната плата порасне ќе крахира економијата“ коментираше вицепремиерот Фатмир Битиќи во „Утирнски брифинг“.
Тој додаде дека анализите не покажуваат дека ќе се случи крај на економијата доколку платата се покачи на 18 илјади, но дополнително за целиот терет да не биде на работодавачите, Владата излезе и со помош за нив.
„Ние излеговме со решение со кое ќе им помогнеме на работодавачите, на мирко и малите претпријатија со 16 милиони евра“ кажа Битиќи.
Тој додаде дека државата треба да биде благодарна и со работодавачите и компаниите, бидејќи тие го носат најголемиот терет во справувањето со другите кризи, поради што треба да им се помогне.
