ВМРО ДПМНЕ е партијата којашто правеше споменици за Ќосето, за Тодор Александров, која го воспева и слави Ванчо Михајлов на митинзи и партиски настани.
СДСМ денеска порача дека нема да дозволи да држат лекции оние кои со бројни потези го срамат ликот и делото на Делчев.
„ Декларацијата на ВМРО-ДПМНЕ нема за цел да се бранат поуспешно ликот и делот на великанот Делчев, туку е политичка манипулација од страна на ВМРО -ДПМНЕ со цел да се продлабочуваат поделбите во македонскиот народ. Ние немаме намера да влегуваме во тој срамен натпревар во лажен патриотизам.“ рече Јован Митрески, координатор на пратеничката група на СДСМ.
СДСМ и оваа Влада го штитат македонскиот национален идентитет и посебноста на македонската нација и јазик.
Ги повикуваме, ако навистина сакаат да ја видат Северна Македонија во ЕУ, да се вклучат на конструктивен начин во процесите кои се од национален интерес, порачаа од СДСМ.
