Ведро и студено утро, а во текот на денот сончево со мала локална облачност. Ќе дува слаб ветер од јужен правец. Минималните температури на места ќе се спуштат под минус 10 степени и ќе бидат во интервал од -12 до -4, а максималните од 2 до 9 степени.
Во Скопје сончево со слаб јужен ветер. Минималната температура ќе се спушти до -9, а максималната ќе достигне до 5 степени.
В петок и за време на викендот во одделни котлини ќе има појава на магла и значителна ниска облачност. Од недела ќе има зголемување на облачноста со локални врнежи од дожд. Утринските температури насекаде ќе бидат позитивни.
