WhatsApp има нова функција која им овозможува на корисниците да ја поврзат својата сметка со дополнителни уреди.
Оваа функција осигурува корисниците да продолжат да испраќаат и примаат пораки додека нивниот „примарен“ паметен телефон не е онлајн.. Кога ќе го исклучите интернетот, сè уште можете да испраќате пораки.
Оваа функција доаѓа до сите корисници на WhatsApp со најновото ажурирање на уредите со Android и iOS.
Досега, корисниците мораа да бидат онлајн на примарен паметен телефон за да продолжат да го користат WhatsApp на, да речеме, компјутер.
Како да активирате нова функција?
За да ја овозможите оваа функција на вашиот уред, мора да ја изберете опцијата Бета.
Откако ќе се овозможи, ќе ве одјави од сите уреди пред повторно да се поврзете со нови уреди. Така, кога ќе влезете во апликацијата, одете до поставките, потоа поврзаните уреди и активирајте ја Бета.
Апликацијата е иста како и досега, единствената разлика е во тоа што ќе можете да комуницирате без разлика дали вашиот примарен уред е онлајн.
Поврзаните уреди ќе можат да примаат и испраќаат пораки до 14 дена откако примарниот уред ќе биде офлајн. Ова може да биде корисно ако го изгубите мобилниот телефон или ако останете без батерија.
За жал, постојат ограничувања. На уредите со IOS не им е дозволено да бришат пораки или разговори од поврзаните уреди и не можете да поврзете сметка со таблет или друг мобилен телефон на iOS.
