Жестока казна настанала во пратеничката група на ВМРО-ДПМНЕ во попладневните часови во четвртокот, кога иницијативата за гласање недоверба на Владата беше на дневен ред, брифира пратеничка од ВМРО-ДПМНЕ.
Во еден период попладнето, пратениците од опозицијата добиле информација дека не смеат да дозволат седницата да започне и да се гласа, бидејќи останале само на 55 пратеници, вклучувајќи ги и пратениците на Левица и заразените со коронавирусот кои беа во Собранието со скафандери.
Тогаш еден од пратениците на ВМРО-ДПМНЕ, инаку и потпретседател на партијата, предложил да се направи дефокус во јавноста и да се излезе со информација дека биле одземени телефони од пратениците на СДСМ. На тоа изреагирала нашата соговорничка, но и дел од останатите пратеници истакнувајќи дека тоа е чиста глупост и дека сите се свесни дека е лага.
Тие истакнале дека и новинарите ќе се смеат на оваа информација, бидејќи и тие се во постојана комуникација со сите пратеници. Ова го изреволтирало потпретседателот, кој почнал хистерично да вика и да се повикува на функција.
Тој истакнал дека треба да биде јасно кој е главен и кој наредува што да се прави, при што за малку бил избегнат физички контакт меѓу пратениците.
Со цел избегнување на поголем конфликт внатре во пратеничката група, но и да се избегне срамот пред јавноста, сите се договориле да го напуштат Собранието, за да не се дознае дека во иницијативата за недоверба останале само 55 пратеници.
Вознемиреност имало и кај едниот пратеник во скафандер, инаку координатор на пратеничката група. Тој им забележал на своите колеги дека го заборавиле во кабината во целиот хаос и никој не му се јавил ни да го праша како се чувствува. Пратеникот се пожалил дека доколку не биле службите на Собранието, но и координаторот на пратеничката група на СДСМ, кој постојано му праќал сокови и вода, ќе останел и без тоа.
Поради овие случувања јасна беше нервозата и кај Мицкоски, но и кај останатите пратеници од ВМРО-ДПМНЕ, кои во нивните изјави во медиумите започнаа да шираат секакви теории на заговор, во обид да си го „избелат образот“ по уште едниот неуспшен обид за гласање недоверба.
ПОВЕЌЕ ОД ИНТЕРНЕТОТ...
