29. август 2025
Centar.mk – Вести, бизнис, забава, спорт…
МАКЕДОНИЈАвест

Заев – Борел: Никој нема забелешки за реформите на Северна Македонија, граѓаните заслужуваат европска иднина

Претседателот на Владата на Република Северна Македонија Зоран Заев како дел од својата агенда на Самитот на ЕУ за Западен Балкан во Словенија оствари билатерална средба со потпретседателот на Европската комисија и висок претставник за надворешна политика на ЕУ Џозеп Борел.

На средбата, на која присуствуваше и заменик-претседателот на Владата задолжен за европски прашања Никола Димитров, премиерот Заев ја изрази неговата и благодарноста на Владата на Северна Македонија за личната поддршка на потпретседателот на ЕК за почеток на пристапните преговори за нашата земја со ЕУ.

Премиерот Заев истакна дека блокадата на оперативниот почеток на пристапните преговори за членство во ЕУ за Северна Македонија и за Албанија во целиот регион се оценува како сериозно назадување и удар врз довербата во целата ЕУ.

Потпретседателот Борел и премиерот Заев заеднички констатираа дека Северна Македонија ги исполнува сите зацртани реформи и дека никој нема забелешка на тоа поле, со што македонските граѓани во целост ја имаат заслужено својата европска перспектива.

Можеби ќе ве интересира

Физички го нападнале и го удирале со боксови и клоци по целото тело и глава – детали за убиството во Кавадарци

ДЕСК

Денес е неработен, а веќе следниот месец следува продолжен викенд – Еве ги преостанатите празници до крајот на 2025

ДЕСК

Спречен обид за криумчарење препарати за заштита на растенија преку ГП Меџитлија

ДЕСК