Уште денес и утре сонце, потоа драстична промена: Детална прогноза за времето за следните денови

Денес ќе биде ведро и студено, а преку денот претежно сончево со слаб јужен ветер.

Утре ќе се задржи сончево време со мала до умерена облачност. Од среда следува период на претежно облачно и значително посвежо време со локални врнежи од дожд и со дневни температури кои ќе бидат под просекот за овој период од годината. Пообилни врнежи се очекуваат во четврток, особено во западните и југозападните делови. Во среда и четврток ќе дува повремено засилен ветер од југоисточен правец.

Прогноза за 06.10.2021
Минимална температура: 6°C до 13°C
Максимална температура: 15°C до 21°C
Променливо облачно и свежо со умерен, а вдолж Повардарието повремено засилен ветер од југоисточен правец. Кон крајот на денот и во текот на ноќта во западните делови ќе има врнежи од дожд.

Прогноза за 07.10.2021
Минимална температура: 9°C до 15°C
Максимална температура: 13°C до 19°C
Облачно и свежо со повремени врнежи од дожд, кои на места ќе бидат обилни, особено во западните и југозападните делови. Ќе дува умерен, а вдолж Повардарието повремено засилен ветер од југоисточен правец.

Прогноза за 08.10.2021
Минимална температура: 8°C до 13°C
Максимална температура: 14°C до 20°C
Претежно облачно и свежо со повремени врнежи од дожд. Ќе дува слаб до умерен ветер од југоисточен правец.