Centar.mk – Вести, бизнис, забава, спорт…
Македонија ТОП ВЕСТИ

СДСМ: Со усвоените измени на Законот за облигациони односи, каматата веќе не смее да биде поголема од долгот

Соопштение на СДСМ:

Со усвоените измени на Законот за облигациони односи, каматата веќе не смее да биде поголема од долгот

Собранието ги усвои дополнувањата на Законот за облигациони односи по предлог на парламентарното мнозинство од СДСМ.

На овој начин исправивме уште една голема неправда кон граѓаните и компаниите.

Дополнувањата на Законот, кои во сила стапуваат веќе следниот месец, пропишуваат каматата на неплатениот долг да престане да расте кога ќе достигне износот на главнината, односно каматата повеќе не смее да биде повисока од износот на долгот.

Тоа значи дека ако одреден граѓанин или фирма имале долг од пред десеттина години, на сума од 1.000 денари, каматите што се таложеле со години и кои на крајот ќе треба да ги плати, нема да бидат повисоки од 1.000 денари.

Со овие измени ставаме крај на ситуациите кога за долг од на пример 500 денари должникот мораше да плаќа 5.000, 8.000 па и 10.000 денари по основ на камати.

Законското решение ќе важи и за граѓаните и за компаниите, и ќе се однесува на долгови од секаков карактер, на пример за застарени сметки за струја, вода, телекомуникациски услуги, обврски кон банки и слично.

СДСМ како одговорна партија продолжува да реализира мерки и политики кои обезбедуваат подобри услови за работа на компаниите и повисок животен стандард за граѓаните.

Можеби ќе ве интересира

Лидија Тасевска: Каматата веќе не смее да биде повисока од долгот, усвоени измените на Законот за облигациони односи

M T

Јован Митрески: Со измените на Законот за облигациони односи, каматите нема да смеат да бидат повисоки од долгот

M T

Славјанка Петровска: Законот за потекло на имот овозможува конфискација на нелегално стекнат имот, времето на неказнивност и избегнување на правдата заврши

M T