25. август 2025
Centar.mk – Вести, бизнис, забава, спорт…
МАКЕДОНИЈА

Маричиќ: Реформите во судството не се само на хартија, туку функционираат и во пракса

Министерот за правда Бојан Маричиќ денес се обрати на дијалогот за јавни политики „Имплементација на Стратегијата за реформа на правосудниот сектор 2017-2022 година со Акциски план – до каде сме и што понатаму“, во организација на Институтот за европска политика, каде кажа дека е задоволен од резултатите и темпото на спроведување на реформите во правосудството. Дополнително, најави нови мерки со цел зацврстување на правната држава.

„Практиките во судството се менуваат благодарение на чекорите кои ги преземаме. Граѓаните веќе ја забележуваат проактивната улога на Судскиот совет. До денес имаме 16 разрешени судии, поради нестручно и несовесно вршење на судиската функција. Ова е факт кој говори дека законските измени за реформирање на правосудството и враќањето на довербата на граѓаните во судството, не се само на хартија, туку се функционални и истите се применливи во пракса“, потенцираше Маричиќ

Тој додаде дека направена е промена, но и дека има уште многу да се работи.

Потврди дека реформата останува високо на агендата на Владата и смета дека земјата е на вистинскиот пат кон исполнување на целта за независен, професионален, транспарентен и ефикасен правен систем.

Можеби ќе ве интересира

Апсења низ Македонија во голема акција, паднаа и притвори – еве ги деталите

ДЕСК

ЗНАЧИТЕЛНИ ПРЕСВРТИ СО ВРЕМЕТО: Температури до 38°C, најавено е и невреме со пороен дожд, грмежи и ветер

ДЕСК

Алиу со директорите на Клиниките за кардиологија и кардиохирургија: Заеднички ги разгледуваме тековните предизвици и можностите за унапредување на условите во дејноста

ДЕСК