Град Скопје ги известува граѓаните дека на 15.9.2021 година (среда) ќе почне авионска и терестрична дезинсекција против комарци на подрачјето на град Скопје.
Авионското прскање против комарци ќе се врши на 15.9.2021 година (среда) и на 16.9.2021 година (четврток) во раните утрински часови.
Терестричната дезинсекција против комарци ќе се одвива од 15.9.2021 година (среда) до 19.9.2021 година (недела), во периодот од 22 до 3 часот наредниот ден.
Доколку временските услови не дозволуваат да се прска, авионската дезинсекција ќе се изврши првиот нареден ден кога временските услови ќе бидат поволни, во истиот термин, велат од Град Скопје.
Истовремено, ги известуваат пчеларите навреме да ги преземат потребните мерки за заштита на пчелите.
