Полицијата приведе 35-годишен жител на Лојане осомничен за криумчарење мигранти.
Според информациите на МВР, вчера на автопатот Куманово-Табановце полициски службеници го привеле А.А.(35) од с.Лојане, општина Липково. При преглед во возилото „ауди а4“ со кумановски регистарски ознаки, кое го управувал, биле пронајдени тројца мигранти од Куба.
Тој бил приведен во полициска станица и по целосно документирање на случајот против него ќе биде поднесена соодветна пријава. По наредба на јавен обвинител, мигрантите биле предадени во Транзитниот центар „Винојуг“ во Гевгелија.
НАЈЧИТАНО НА ИНТЕРНЕТ...
