Centar.mk – Вести, бизнис, забава, спорт…
Македонија

Состанок на Стратешкиот совет за надворешна политика во врска со случувањата во Авганистан

Во просториите на Министерството за надворешни работи денеска се одржа состанок на Стратешкиот совет за надворешна политика посветен на актуелните случувањата во Авганистан и потенцијалните импликации врз нашата држава и регионот.

На состанокот, што се одржа во рамки на стратешкиот проект на МНР – Рефлексија 2030, воведно обраќање имаше министерот Бујар Османи кој ги сподели своите размислувања на темата и резимираше околу улогата на Република Северна Македонија наспроти геополитичките поместувања во Авганистан и поширокиот регион.

„Случувањата во Авганистан, но и замрзнатите конфликти во регионот на ОБСЕ, укажуваат дека несигурноста и непредвидливоста преостануваат интегрално и предоминантно одбележје на меѓународното милје и безбедносна реалност и дека истите феномени ќе продолжат да ги диктираат глобалните политичко-безбедносни процеси. Република Северна Македонија како полноправна земја-членка на НАТО и иден претседавач со ОБСЕ, најголемата светска регионална безбедносна организација претставува сериозна алка во системот на колективна безбедност. Фактот дека сме проактивен актер во меѓународните односи ни овозможува да работиме на спроведување на нашата безбедносна агенда, но истовремено и на нашето позиционирање како одговорен актер во меѓународните односи. Денешниот настан е всушност дел од активностите кои ги преземаме во функција на зајакната приправност, стратешко антиципирање и адаптабилност во насока на навремено утврдување на политичките насоки на делување нa адекватен одговор”, изјави Османи.

На состанокот, членовите на Стратешкиот совет разменија ставови и понудија идеи за потребата од долготрајно стратешко планирање и оформување на механизми за менаџирање со потенцијалните засилени мигратски движења, градење на партнерства со сојузниците и во рамки на мултилатералните тела, исползување на механизмите на ЕУ и соодветните датабази од системот за азил и миграција, како и редовно следење на политиките на ЕУ и земјите членки во оваа област.

Можеби ќе ве интересира

СЗО: Условите се идеални за појава на нови варијанти на вирусот

M T

Состанок на кризниот штаб во Битола, ќе се разговара за надомест на штетите од земјотресот

M T

Судскиот совет бара од Врховен и од апелационите судови да ја воедначат казнената политика

M T

Редовен состанок на Царовска со Светска банка: Постигнат е значаен напредок во унапредувањето на основното образование

M T

5 причини зошто ТОЈ не ви се јавува после состанокот

M T

Средба со шефицата на Мисијата на ММФ: Повисоката инфлација најмногу ги одразува глобалните притисоци, за кои се очекува да се намалат во 2022 година

M T