При полициски претрес домаќините се обиделе низ прозорец да фрлат нелегална автоматска пушка

Скопската полиција, поточно Секторот за недозволена трговија со дрога и оружје денеска, врз основа на претходно добиени информации и судска наредба, извршил претрес на домот на извесен Џ.Љ. на возраст од 63 години.

При претресот била пронајдена автоматска пушка од кинеско производство, рамка за автоматска пушка и 40 куршуми калибар 7,62 милиметри.

За време на претресот С.Љ. (28) се обидела да ја фрли пушката надвор од куќата, но била забележана од полицајците.

Џ.Љ., С.Љ., како и Х.Љ. (35) се приведени во полициска станица и до надлежното обвинителство против нив ќе бидат поднесени соодветни кривични пријави.