Тешко повреден 83-годишен кумановeц, со мопед излетал од патот

83-годишно лице од Куманово добило тешки телесни повреди кога изгубило контрола и излетало од патот со мопедот што го управувал.

Според полицијата, вчера, околу 10.05 часот, во СВР Куманово било пријавено дека на локалниот пат Куманово – с. Табановце, Љ. С. (83) од Куманово, управувајќи мопед „томос“, изгубил контрола и излетал од коловозот.

Во незгодата тешки телесни повреди добил Љ. С., констатирани во Општа болница Куманово.

Увид на местото извршила екипа од СВР Куманово.