Премиерот, Зоран Заев, го прими носителот на сребрениот медал на Летните олимписки игри во Токио во таеквондо Дејан Георгиевски, кој беше во придружба на тренерите Дарко Костовски и Борче Костовски.
Премиерот Заев му честиташе на сребрениот олимпиец Георгиевски и му се заблагодари за радоста што им ја донесе на граѓаните на земјата од Токио. Заев истакна дека Дејан е пример и модел за младите дека ништо не е недостижно, дури и олимписките врвови кога талентот оди заедно со посветеноста за најдобри резултати и со упорноста да се постигнат.
За време на разговорот премиерот Заев рече дека успехот на Георгиевски е поттик за Агенцијата за млади и спорт да ги унапреди условите за развој на таеквондото и другите олимписки дисциплини за кои постои широк интерес меѓу младите.
Владата на 93-та седница ја дополни одлуката за паричната награда за постигнатиот врвен олимписки успех и таа сега е поголема за 800.000 денари и изнесува 2 милиони денари од страна на Владата и 600.000 денари од страна на Агенцијата за млади и спорт.
ПОПУЛАРНО НА ИНТЕРНЕТ...
