Во скопската населба Дебар Маало во непосредна близина на влезот на основното училиште „Коле Неделковски“ синоќа паднало дрво кое лесно повредило едно дете и оштетило паркиран автомобил.
Градоначалникот на Општина Центар, Саша Богдановиќ, соопшти дека при извршениот првичен увид, дрвото е паднато поради исушените корени, исто како дрвото кое падна пред некој ден на улицата Орце Николов.
„Екипи на ЈП Паркови и Зеленило и службите од Општина Центар го отстранија паднатото дрво кое оштети едно возило. Дрвото, како што се гледа на сликите, има зелени лисја, здраво стебло, но нарушен коренов систем поради кој што може да падне и без посилен ветер“, вели Богдановиќ.
Спонзорирано:
