21.8 C
Скопје
28. март 2024
Centar.mk – Вести, бизнис, забава, спорт…
МАКЕДОНИЈА

Костадин Костадинов: Резолуцијата мора да биде согласно Уставот, за македонскиот јазик нема никакви преговори

Одговор на новинарско прашање, Костадин Костадинов, портпарол на СДСМ и пратеник:

Прашање: Вчера спикерот Џафери откри дека всушност ја примил резолуцијата така каква што е со С.Македонија, од друга страна премиерот Заев беше дециден дека С. Македонија не е уставното име на државата и за вас не е прифатливо. Дали е примена, дали како пратеници ја имате добиено резолуцијата и ако дојде на седница како што најави Џафери во кој дел СДСМ ќе интервенира и како?

Одговор: Навистина на почетокот би сакал да знам дали ВМРО-ДПМНЕ навистина сака и да се усвои самата резолуција таква каква што е или сака преку таквата резолуција да си тера дневна партиска политика. На крајот на денот во белата палата на ВМРО-ДПМНЕ можат да си прават какви сакаат приказни, Парламентот е нешто друго. Во Парламентот треба да дебатираме, во Парламентот треба да одлучуваме. Република Северна Македонија самите преговори во рамки на ЕУ ги води согласно уставното име. Нашиот став е сосема јасен, текстот на резолуцијата таков каков што е, е прифатлив согласно Уставот. Овде се отвора прашањето дали со таквото прифаќање на резолуцијата како што тие ја поднесуваат може да направиме штета на интеграцискиот процес на Република Северна Македонија, дали можеби конечно од друга страна ВМРО-ДПМНЕ ќе се издигне над партиските интереси и ќе го прифати Преспанскиот договор со што навистина имаме одлична основа да ги зајакнеме и да ги заштитиме националните интереси. Да нема дилеми, јасен е ставот на владејачкото мнозинство, јасен е ставот на СДСМ. Преговори и разговори за македонскиот идентитет, за македонскиот јазик ниту имало, ниту има, ниту во иднина ќе има. Како пратеник зборувам од мое лично име до вчера, јас лично ја немав правно формално добиено резолуцијата, кога ќе ја видиме резолуцијата во рамки на координација како пратеничка група ќе разговараме и ќе видиме каков ќе биде настапот како колектив. Лично сметам, став на партијата е дека е прифатлив текстот на резолуцијата таков каков што е согласно Уставот, тука да нема дилема.

Спонзорирано:

Можеби ќе ве интересира

ЕУ очекува промена на Уставот во следните 16 месеци додека трае скринингот

M T

Османи: Усвојувањето на резолуцијата во Бугарија, ќе го блокира европскиот процес и ќе го парализира Договорот за пријателство

M T

СДСМ: Мицкоски ги поткопа државните позиции, усвоена Резолуција на ЕПП со ставови на Бугарија

M T

Радев: Северна Македонија треба да го промени Уставот и да не ги дискриминира македонските Бугари

M T

И ДУИ ќе ја поддржи резолуцијата за црвените линии само ако во неа пишува Северна Македонија

M T

СДСМ: Одредбите во македонскиот Устав не може да се почитуваат селективно, Мицкоски продолжува со неодговорно однесување

M T