Општина Центар ја отплати последната рата од кредитот подигнат за изградба на катната гаража „Судска Палата“, спроти комплексот факултети на Универзитетот „Св. Кирил и Методиј“, до зградата на МРТВ.
Кредитот за изградба на катната гаража е подигнат во 2011 година, од страна на тогашното општинско раководство и изнесува вкупно 2.535.000 евра, односно околу 156.200.000 денари.
Со кредитот се финасираше изградбата на катната гаража „Судска Палата“, која заврши кон крајот на 2012 година и во моментов, во склоп на гаражата се наоѓаат и административните простории на општинското јавно претпријатие „Паркинзи на Општина Центар“.
„Подигнатиот кредит имаше рок на отплата од 10 години, со грејс период од 2 години, а Општина Центар редовно ги сервисираше сите рати, во квартални или тримесечни исплати, во согласност со договорот“, соопштија од Општината.
ПОПУЛАРНО НА ИНТЕРНЕТ...
