Се што правиме е за раст на економијата, за подобар животен стандард, резултатите се видливи, нема веќе минимална плата од 8.500-9000 денари, како пред 3,5-4 години, сега таа е 15.200 денари, и тоа е малку, но таа плата направи притисок врз сите плати да се зголемуваат и просечната плата која пред 4 години беше 22.500 денари, денеска е 28.480 денари, истакна претседателот на СДСМ Зоран Заев на граѓанската трибина на СДСМ под мотото „Најдоброто за нашата општина“ во Валандово.
Тој додаде дека денес парите се враќаат назад кај граѓаните, по сите основи, само од мој ДДВ годишно кај граѓаните се враќаат 25 милиони евра.
За само 13 месеци по сите основи кај граѓаните и кај компаниите се вбризгани милијарда и 200 милиони евра, за помош од ковид кризата, истакна Заев.
Сега сме општество каде парите се враќаат назад кон граѓаните, годишно се враќаат околу 800 милиони евра, за 4 години се вратени 3,4 милијарди евра, токму толку колку што во годините пред владата СДСМ одеа за споменици, музеи, во Белизе, насекаде низ бели дестинации, испљачкани пари, а денес се враќаат кај граѓаните.
Претседателот Заев нагласи дека во 2017 година невработеноста беше 24,5 отсто, а сега со пандемија, по референдум претседателски и парламентарни избори изнесува 16 отсто, невработеноста кај младите од 57 отсто е намалена на околу 40% и најави од есенва програма „сите млади веднаш на работа“.
Приходите во државата во првото полугодие од оваа година се зголемени за 8 отсто во споредба со првото полугодие од 2019 година, за 24 отсто повеќе од првото полугодие лани, извозот е зголемен за 30% во споредба со лани, за 41 отсто во споредба 2018 година, истакна Заев.
Бројките потврдуваат дека исправните политики носат резултати, само така можеме да дочекаме економски стандард, во следните неколку години, како што сметаме дека треба да го имаме, а е наша тенденција во нашата европеизација, нагласи Заев.
Инвестираме во живи луѓе, во семејствата, помагаме да зајакне економскиот стандард и така ќе продолжиме понатаму, само така ќе ги задржиме младите тука и ќе им дадеме аргументи на тие што заминале да се вратат, порача претседателот на СДСМ Зоран Заев на трибината под мотото „Најдоброто за нашата општина“ во Валандово.
