„Правиме реални напори, имаме интензивна комуникација Софија-Скопје. Се работи за тестот на европската политика на Западен Балкан, а не само билатералните односи меѓу Северна Македонија и Бугарија“ кажа минситерот за правда Бојан Маричиќ во гостувањето на „Утрински брифинг“.
„Не е добро да се преговара преку јавноста, но ние немаме што да криеме. Нашите позиции за идентитетот и јазикот се јавни и јавно достапни. Тука нема отстапувања“ рече Маричиќ.
Тој доаде дека, сепак, треба да се договорат сите детали, бидејќи додека се не е договорено, ништо не е договорено.
Во врска со барањата на опозицијата за објавување за што точно се преговара со Бугарија, Маричиќ кажа дека претходните исксутва од преговорите за Преспанскиот договор и консултациите со опозицијата покажале дека тие не се сериозен и конструктивен фактор.
„Тоа не значи дека не се информирани, но нивниот одговор е блокирање на крстосници. Тешко можеме во таков амбиент да воспоставиме сериозен дијалог“ рече Маричиќ.
