Меѓународната агенција за атомска енергија (МААЕ) повика на воздржаност откако Израел и САД нападнаа објект за збогатување ураниум во централен Иран.
Според извештајот на иранската новинска агенција Тасним, целта на нападот во саботата бил објектот Натанз, кој се наоѓа помеѓу Техеран и Исфахан. Агенцијата, исто така, соопшти дека не е откриен радиоактивен материјал и дека населението не е изложено на ризик.
МААЕ во саботата објави соопштение на социјалната мрежа X, од нејзиниот генерален директор Рафаел Гроси. Во објавата се нагласува потребата од избегнување на какви било воени дејствија што би можеле да ги загрозат нуклеарните постројки.
„Генералниот директор на МААЕ, Гроси, го повторува повикот за воена воздржаност за да се избегне каков било ризик од нуклеарна несреќа“, се вели во соопштението./Извор:Makfax
