Премиерот Зоран Заев, придружуван од министерот за транспорт и врски Благој Бочварски беа меѓу првите што го „сефтосаа“ експресниот пат Штип-Радовиш.
На пуштањето во употреба на завршениот дел од 25,5 километри од клучката Штип-југ до Бучим, премиерот Заев кажа дека овој пат е од исклучително влијание за развојот на економија во регионите на Штип, Радовиш и Струмица.
„Експресниот пат, Штип-Радовиш се надоврзува на автопатот Миладиновци-Штип и благодарение на тоа граѓаните на југоисточниот дел на нашата земја за многу пократко време ќе патуваат и пристигнуваат до главниот град, Скопје. Времето за патување возејќи прописно и безбедно – двојно се скратува“, истакна Заев.
Министерот Бочварски најави дека втората фаза од овој експресен пат, односно делниците од клучка Три чешми до Штип-Југ како и делница од Бучим до Радовиш, ќе биде готова во средината на наредната година.
ПОПУЛАРНО НА ИНТЕРНЕТ...
