Сообраќајната полиција во текот на вчерашниот ден (14 мај) спровела зајакната контрола на територијата на целата држава за санкционирање на возила кои се движат со брзина поголема од дозволената.
Како што информираат од МВР, притоа санкционирани се 461 возач. Од нив, 45 се движеле со брзина над 50 километри на час повеќе од дозволеното, а 20 возила се движеле со дури над 70 километри на час повеќе од дозволената брзина.
На територијата на Скопје, за брзо возење вчера биле изречени 54 санкции, од вкупно 148 мерки за сообраќајни прекршоци во главниот град.
Засилените акциски контроли продолжуваат и во наредните денови, информираат од ресорното министерство.
