Компанија во сопственост во семејството Заеви, компанијата „Тотал Инженеринг”, денеска донираше уште едно комплетно опремено амбулантно возило за транспорт на пациенти на струмичката болница.
Како што информираа од болницата, покрај возилото, донирана е и заштитна опрема за вработените во Ковид центарот.
Инаку, ова не е прва донација од ваков вид на семејството Заеви, со оглед на тоа што лани на 15 ноември донираше уште едно амбулатно возило на струмичката болница, како и медицинска опрема.
