Корона протест со физичко присуство организира ВМРО ДПМНЕ во сабота во 11 часот.
Симптоматично е што протестот се организира во ек на најсилниот трет бран кој пустоши низ Балканот и Европа, а секаде се бројат многу мртви и новозаразени.
ВМРО ДПМНЕ всушност ќе протестира против Министерот за здравство Венко Филипче и големиот број на починати од коронавирус.
„Над 4.000 луѓе ги загубија животите, додека нашата власт не успеа да набави ниту една вакцина. Филипче и Заев се директно виновни за целиот хаос кој што се случува во болниците, со заболените, со починатите и нивните фамилии.
Ова е огромен срам. Срамот треба да се измие. Градскиот комитет на ВМРО-ДПМНЕ повторно ќе протестира во сабота во 11 часот пред изворот на проблемите, Министерството за здравство.“ велат од ВМРО-ДПМНЕ.
Здравствените експерти речиси во секоја прилика велат да не се прави групирање и да се почитуваат мерките, бидејќи така заразата се шири. Ова не е прв протест кога има премногу заразени. Буквално ВМРО ДПМНЕ во сите бранови организираше митинзи, собири, коронапротести и тоа кога имаше кулминација на број на заразени и починати.
*фотографијата е од протест, организиран од ВМРО ДПМНЕ, минатата година за време на пандемијата од ковид 19
ПОПУЛАРНО НА ИНТЕРНЕТ...
