Возете внимателно, има опасност од голомразица на патиштата

Сообраќајот на државните патишта се одвива по наместа влажни коловози. Врнежи од слаб снег се бележат во Крива Паланка, но во моментот не преставуваат пречка за одвивање на сообраќајот. Поради ниските температури, наместа е можна појава на голомразица.

АМСМ препорачува приспособена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде што има можност од појава на одрони. Ова особено се однесува за делниците Катланово – Велес, Маврово – Дебар – Струга, Виница – Берово и Кочани – Делчево.