Мила Царовска веднаш да запре со притисокот врз матурантите и професорите, кој го спроведува преку директорите на средните училишта, а СДСМ да ги поддржи предлог-измените во Законот за средното образование, соопшти ВМРО-ДПМНЕ.
„Предлог-измените во Законот за средното образование се во корист на матурантите и во корист на нивната иднина, но и иднината на државата, бидејќи тоа се новите лекари, инженери, прогамери итн. Царовска и СДСМ мора да имаат слух за барањата на матурантите, а ВМРО-ДПМНЕ тоа го преточи во законски текст, кој СДСМ треба само да го поддржи.
Матурантите не смее да бидат поле за политичко надмудрување. Време е СДСМ да покаже политичка зрелост и во интерес на најмладите да ги тргне теснопартиските интереси на страна.
Полагањето само 2 предмета наместо 4 за годинешните матуранти ќе биде сериозна помош за нив, кои во време на Ковид-19 немаа целосна настава, но сакаат да го продолжат нивното образование. СДСМ нема право да им стои на патот на иднината на матурантите“, се наведува во соопштението.
НАЈЧИТАНО НА ИНТЕРНЕТ...
