До понеделник, претежно во попладневните часови, ќе има врнежи во поголем дел од земјава. Врнежите ќе бидат од дожд со умерен интензитет и на места особено во западните делови ќе бидат пообилни (во недела понекаде над 25л/24часа).
На планините во западните делови ќе врне снег. Денес и особено во недела од вечерните часови во планинските западни делови повремен снег ќе има и на повисоките места. За време на викендот ќе дува умерен до засилен јужен, а во понеделник западен ветер поизразен во западните делови.
Поради продор на студена воздушна маса преку ноќта кон вторник ќе настапи заладување со врнежи кои особено на западот ќе преминат во снег и на повисоките места.
Во западните делови на патиштата ќе има појава на замрзнат дожд и ќе започне да дува умерен до силен северен ветер. Во вторник ќе е ветровито и до крајот на денот врнежите ќе преминат во снег во поголемиот дел од земјата.
