Приведен е угостител од Пробиштип, чиј локал работел вчера и покрај забраната за услужување по 18 часот.
„При контролата во 18.25 часот во угостителски објект на градскиот плоштад, сопственост на И. М. (44) од Пробиштип, биле затекнати повеќе гости, кои биле послужени со пијалаци“, информираат од МВР.
За настанот бил известен Државниот пазарен инспекторат за преземање мерки од нивна надлежност.
По консултации со јавен обвинител и по целосно документирање на случајот, против И. М. ќе биде поднесена кривична пријава поради непостапување според здравствените прописи за време на епидемија.
