Познат идентитетот на македонската дипломатка која си го одзеде животот во Њујорк

38-годишната М.В. од Скопје е македонската дипломатка од постојаната мисија во ООН која си го одзеде животот во Њујорк.

Нејзиното тело беше пронајдено во стан во Менхетн, а полицијата се сомнева дека станува збор за самоубиство, јавува Слободен печат.

Првичните информации говорат дека таа страдала од депресија, а пронајдена е во бањата од својот стан, каде што живеела сама.

Полицијата пронашла и рецепти за антидепресиви и две шишиња мелатонин – едното празно, а другото речиси испразнето.