Полицијата за еден ден казнила 509 возачи за брзо возење.
Според информациите на МВР, вчера во периодот од 10 до 18 часот сите сектори за внатрешни работи и Мобилната единица за безбедност на сообраќајот на патиштата спроведоа засилена акциска контрола при што се санкционирани 509 возачи, кои ја пречекориле дозволената брзина.
На подрачјето на СВР Тетово биле санкционирани 94 возачи за брзо возење, СВР Скопје евидентираше 80 казни, 70 санкции за брзо возење се констатирани на подрачјето на СВР Битола, 61 на СВР Охрид, а една помалку (60) на подрачјето на СВР Куманово.
СВР Струмица регистрираше 59 казни, СВР Штип 48 санкции, СВР Велес 25, а од страна на Мобилната единица за безбедност на сообраќајот на патиштата беа санкционирани 12 возачи.
ПОПУЛАРНО НА ИНТЕРНЕТ...
