Трагичен крај на потрагата: Гостиварец кој беше пријавен за исчезнат, пронајден мртов во поток

Гостиварец кој бил пријавен за исчезнат на 16. декември 2020 година, бил пронајден мртов во поток од страна на ловџии, информира МВР.

-Вчера во 11:00 часот во СВР Тетово било пријавено дека во атар на село Падалиште, гостиварско на место викано.„Роѓе Исмолит“, од страна на 38-годишниот А.С. и 38-годишниот Ф.И. двајцата од Гостивар, во поток бил пронајден починат 71-годишниот М.Р. од село Падалиште, кој бил пријавен дека се оддалечил од домот на 16.12.2020. Од екипа на итна медицинска помош констатирана е смрт. Увид извршиле јавен обвинител и екипа од Полициска станица Гостивар. Телото на починатиот е пренесено во Медицински центар Гостивар, соопшти полицијата.