Прмиерот Зоран Заев денеска заедно со министерката за култура Ирена Стефоска на терен извршија обиколка и се информираа за динамиката на реконструкцијата на Офицерскиот дом во Битола.
При увидот, премиерот и министерката беа информирани дека по успешно подготвената проектна документација за објектот, ентериерното уредување е во завршна фаза и дека во Предлог-буџетот, кој треба да биде усвоен од Советот на општина Битола, локалната самоуправа предвидува средства и за завршување на партерното уредување околу Офицерскиот дом.
Започнат во времето на Отоманската империја и изграден за време на српското владеење на овие простори во 1919 година, Офицерскиот дом, кој се користел за балови, а има и најсоодветна акустична сала за концерти, се очекува да биде ставен во функција во 2021 година.
