Во водите на прилепското вештачко езеро утринава е најдено безживотното тело на 50-годишната прилепчанка по која се трагаше откако го напуштла својот дом околу 23 часот на 16 декември.
Во градот и во околината со доброволци континуирано се вршеше целодневна потрага по 50-годишната Весна Николоска.
За денеска како можност беше оставено пребарувањето во водите на прилепското вештачко езеро, каде потрагата заврши со трагичен крај.
Од МВР информираат дека телото било пронајдено во водите на езерото кај рудникот ‘Сивец’ во Прилеп.
По наредба на Јавен обвинител телото ќе биде предадено на обдукција.
Вчера, потрагата се прошири и во Кавадарци и Неготино, откако на социјалните мрежи се сподели вест дека неколку лица наводно ја забележале како купува свеќи во близина на црквата во Кавадарци, а потоа и на автобуската станица во градот.
ПОПУЛАРНО НА ИНТЕРНЕТ...
