„Доста Венко Филипче и Зоран Заев продаваат демагогија, не може граѓаните да ги затвораат, а Костадин Костадинов и Сашко Николов да прават корона-забави во рестораните кои работат само за нив“, соопшти ВМРО-ДПМНЕ.
Според партијата, во десетти месец од коронавирусот во Македонија и, според статистиката на Министерството за здравство, има 76.251 заразен и 2.225 починати, само во текот на вчерашниот ден 31 починато лице.
„Филипче и Заев чекаа да поминат изборите во Штип, да ги прекршат и веќе постоечките мерки, какви такви, а дури денес стартуваат некои нови мерки. По ова поигрување или навреди кон граѓаните, што следи, знае ли Филипче воопшто што треба да прави? Но, освен што нема одговори, а очигледно нема и план како да се намали бројот на новозаболени, како да се намали бројот на починати од корона, тој не одговара на многу други прашања зошто нема одговори“, се додава во соопштението.
