Министерот за транспорт и врски Благој Бочварски во емисијата 24 анализа на ТВ 24, рече дека автопатот Кичево-Охрид е еден од проблематичните наследени проекти, за кој немаше проекти за клучки и куп недоследности, како неутврдувањето на косини, градеше без геомеханички испитувања, правење тунел, кај што не треба да има.
Сега сите проблеми се отклонети, завршени се сите проекти за 8 клучки, 25% од трасата беше репроектирана и во вториот квартал од оваа година е регистриран сериозен прогрес на автопатот Кичево-Охрид, таму на терен работат 820-850 работници и 470 градежни машини секој ден, истакна Бочварски.
Тој додаде дека се намалени трошоците за изградба на овој патен правец, од оние што во четири очи ги договараа Миле Јанакиевски и Никола Груевски, за што слушнаа сите граѓани.
Заштедата на владата на СДСМ за автопатот Кичево-Охрид е до 95 милиони евра, истакна министерот за транспорт и врски Благој Бочварски.
