16. октомври 2025
Centar.mk – Вести, бизнис, забава, спорт…
МАКЕДОНИЈАИЗБОР

СДСМ: Со одлуката за аболицијата на Иванов, пропадна обидот на ВМРО-ДПМНЕ да го одбрани криминалот

Со одлуката на Уставниот суд, дека повлекувањето на аболицијата на Ѓорѓе Иванов е уставно и законско, пропадна и последниот обид на обвинетите лица, да се амнестираат од одговорност, а Христијан Мицкоски и ВМРО-ДПМНЕ повторно не успеаја да го одбранат криминалот во опозициската партија, велат од СДСМ преку соопштение.

Сега, како што велат од владејачката партија, предметите подигнати и водени од СЈО треба да добијат правна разрешница, низ ефикасни, транспарентни и законски судски рочишта.

„Со носењето на Законот за Јавно обвинителство, за кој ВМРО-ДПМНЕ правеше се за да не се донесе, предметите на СЈО сега се во надлежност на Јавното обвинителство на Република Северна Македонија. Сега се гледа зошто ВМРО-ДПМНЕ по налог на Мицкоски, со сите сили се обидуваше да го закочи носењето на овој закон, важен за правната држава, важен за реформскиот процес, за кој и Европската комисија смета дека обезбедува основа за професионален и непристрасен обвинителен систем, кој е поотпорен на политички и друг притисок. СДСМ, како одговорна партија гради држава на ред, правда и дисциплина, во која законите важат подеднакво за сите, а ВМРО-ДПМНЕ останува против правдата, на страната на криминалот“, се наведува во соопштението на СДСМ.

Можеби ќе ве интересира

СВР Битола со АПЕЛ до граѓаните да не наседнуваат на телефонски измами за лажни сообраќајни несреќи

ДЕСК

ПОДГОТВЕТЕ СЕ ЗА ОБИЛНИ ВРНЕЖИ ОД ДОЖД – Објавено метео предупредување

ДЕСК

Уште една измама со лажна сообраќајка, измамена 82-годишна скопјанка за сума од 4.000 евра

ДЕСК
error: Соддржината е заштитена.