Две лица се здобиле со повреди откако доживеале сообраќајна незгода во Скопје.
– На 14.11.2020 во 10:00 часот било пријавено дека на автопат Скопје – Куманово патничко моторно возило „фолксваген голф“ со струмички регистарски ознаки управувано од Ѓ.Ѓ. од Струмица излетало од коловозот. Во незгодата со повреди се задобиле Ѓ.Ѓ. и сопатничка С.М. од Скопје кои се пренесени во Комплекс клиники„Мајка Тереза“ каде од доктор на Ѓ.Ѓ. му се констатирани повреди, додека на С.М. констатирани и се тешки телсни повреди. Увид на местото на настанот извршила екипа од СВР Скопје, информира МВР.
