Времето денеска ќе биде сончево со мала локална облачност. Претпладне по одделни котлини ќе има појава на магла и ниска облачност. Минималната температура ќе биде во интервал од -3 до 3, а максималната ќе достигне од 14 до 20 степени.
Во Скопје во утринските и во претпладневните часови ќе биде магливо, а околу пладне и попладне сончево. Минималната температура ќе се спушти до 1, а максималната ќе достигне до 14 степени.
Во следните денови ќе преовладува стабилно и суво време со слаб ветер, што ќе услови појава на магла и ниска облачност по одделни котлини, особено во ноќните и претпладневните часови.
