На 03.11.2020 во 04.20 часот, полициски службеници од Полициското одделение Петровец-СВР Скопје ги лишиле од слобода Д.А.(23), В.З.(20) и Х.Д.(18), сите од Скопје, веднаш по добиена пријава дека е извршена „тешка кражба“ во колонијална продавница во с.Петровец, скопско.
По добиената пријава, преземени се соодветни мерки и активности и лицата се приведени во полициска станица, а одземено е возилото „опел тигра“ со кое се превезувале.
При преглед во возилото бил пронајдени предмети во врска со кривичното дело. По целосно документирање на случајот против нив ќе биде поднесена соодветна пријава.
