Вкупно 338 пациенти во моментот се хоспитализирани во болниците во државата поради коронавирусот.
Според официјалните податоци, на Инфективната клиника вкупно се хоспитализирани 85 пациенти. На кислородна поддршка се 44 пациенти, а нема пациенти на механичка вентилација.
Во болницата во Козле хоспитализирани се 5 деца и 5 мајки позитивни на Ковид-19, 5 деца и 5 мајки суспектни на вирусот.
Во ГОБ „8 Септември“ вкупно хоспитализирани се 35 пациенти. На респираторна машина се 4 пациенти.
Во болницата во Битола хоспитализирани се 14, а во болницата во Штип – 46 пациенти. На инфективните одделенија во Тетово, Охрид, Велес, Куманово, Прилеп, Гостивар, Струмица и во Струга хоспитализирани се 138 позитивни и сомнителни на Ковид-19.
Инаку, вкупната бројка на ковид-дијагностицирани во нашата земја од почетокот на епидемијата изнесува 15.791, бројката на оздравени пациенти е 13.184, на починати е 648, а во моментот бројот на активни случаи во земјата изнесува 1.959 лица.
ПОПУЛАРНО НА ИНТЕРНЕТ...
