Денеска или утре ќе бидат познати имињата на заменик-министрите во новата Влада. Ова на прес-конференција го изјави вчера првиот вицепремиер на Владата, Артан Груби.
Груби најави дека ДУИ ќе има 5 заменик-министри и пет државни секретари.
„ДУИ ќе има заменик-министри во Министерството за внатрешни работи, Министерството за одбрана, Министерството за транспорт и врски, Министерството за здравство и во Министерството за правда“, изјави Груби.
Тој рече дека позициите на директорите не се одредени, но направени се некои замени на секторите со СДСМ.
„Станува збор за замена на ресорите. На пример, АД ‘Пошта’ со МЕПСО или Фондот за пензиско и инвалидско осигурување со Јавното претпријатие за државни патишта. Се работи за размена на директорски позиции, со цел да бидеме попрудктивни“, изјави Груби одговарајќи на новинарски прашања.
