23. септември 2025
Centar.mk – Вести, бизнис, забава, спорт…
БИЗНИСИЗБОР

Арсовска: Зголемен пласман на македонските производи ќе го помогне економскиот раст

Затворањето на економијата и ограниченото движење поради рестриктивните мерки за спречување на ширењето на коронавирусот ја предизвика најдлабоката рецесија на економија за што е показател падот од 12,7 отсто на бруто домашниот производ. Иако, намалување се бележи во речиси сите носечки структурни елементи на БДП, сепак евидентен е падот на извозот на стоки и на услуги кој во номинална вредност изнесува 32 отсто и падот на увозот каде намалувањето е 30.2 отсто, велат од Сојузот на стопанските комори.

Во извештаите на Светската банка, нотирано е дека во услови на пандемија во балканските земји се поизразен е проблемот на загуби од над една милијарда американски долари годишно заради застој на граничните премини. Долгото време на чекање ги зголемува трошоците, ја намалува конкурентноста на учесниците во меѓународната трговска размена, увозно-извозните претпријатија и транспортните компании.

Претседателот на Сојузот на стопански комори на Македонија, Данела Арсовска потенцира дека во услови на криза развојот на земјата е лимитиран и во таа насока за побрзо опоравување ќе придонесе зголемување на извозот поради што е потребно да се даде поддршка на македонските извозно ориентирани претпријатија.

„Задржување на пласманот на производите и услугите на домашните извозно ориентирани претпријатија кои имаат докажан квалитет во своето работење е од голема важност за поддршка на економски раст кој го очекуваме со стабилизирање на состојбата по кризата. Поради пандемијата евидентен е негативниот ефект врз побарувачката на пазарите во ЕУ, каде се и нашите најголеми трговски партнери, а тоа се рефлектира и на работата на нашите производствени капацитети. И покрај кризата и отежнатото функционирање, намалената продажба и потешкотиите во производството и логистиката, голем дел од извозно ориентираните капацитети не ги затворија своите погони и континуирано работат. Она што е потребно во моментот е да не ги изгубат пласманите и да ги задржат воспоставените позиции. Доколку се случи откажување на договорите, потребно е да им се овозможи да склучат нови договори со потенцијални партнери заинтересирани да работат и соработуваат со Македонија. Во таа насока треба да се размислува и за потпишување на договори за слободна трговија, за ослободување од двојно оданочување со земји каде постои потенцијал за зголемување на трговската размена. Важно е да не се дозволи надворешно трговскиот економски тек да прекине“, вели Арсовска.

Во таа насока Сојузот на стопански комори на Македонија апелира за надминување на бариерите, олеснување на протокот низ границите преку поедноставување на царинските формалности.

„Нашиот фокус треба да биде насочен кон креирање добра стратегија за надминување на потешкотиите во меѓународната економска соработка, со стратешки пристап особено со оглед на тоа дека ние сме мала земја со голем трговски дефицит. Потребно е да се обезбеди непречен проток при извоз на граничните премини“, потенцира претседателот на ССК.

Согласно обемот на трговската размена топ десет најголеми трговски партнери на Македонија се Германија, Велика Британија, Србија, Грција, Кина, Бугарија, Италија, Турција, Унгарија и Романија. Голем дел од овие земји регистрираа историски пад на БДП во последниот квартал. Меѓународните економски односи континуирано се важни за опстојување, раст и развој на националната економија.

Можеби ќе ве интересира

Џејми Караматиќ е новиот генерален директор на Рудник САСА

C +

Ќе има мерки за цените на прехранбените производи

C +

Анализа на ССМ: Зголемувањето на минималната плата не води кон затворање на компании

C +
ТЕМАМАКЕДОНИЈАИЗБОР

Негувателка во градинка во Битола заразена со коронавирус, во изолација деца и вработени

ДЕСК

Негувателка во детска градинка во Битола е меѓу новозаболените од коронавирус, поради што, пет деца кои се згрижени во објектот, заедно со пет вработени ќе бидат во домашна изолација наредните 14 дена поради контакт со неа. Вработените работеле како воспитувачки и негувателки. Ова е прв случај на заразен вработен во градинка, по само два дена откако Владата по препорака на Комисијата за заразни болести донесе одлука тие да почнат со работа. Засега нема информација како негувателката се заразила со коронавирус.

Според протоколите кои беа донесени, сите вработени додека се на работно место мора да носат заштитни маски, а на децата мора да им се мери температура уште на влезот од градинката, додека за време на престојот децата треба да се организира на начин на кој ќе се избегне меѓусебен контакт на различни воспитни групи, сместени во одделни простории согласно мoжностите, а игрите се препорачува да се организираат што е можно повеќе на отворено кога времето го дозволува тоа и во помали групи.

Доколку родителот забележи појава на симптоми кај детето од каква било природа не треба да го носи детето во градинка и треба да го контактира матичниот педијатар. Родителот при првото и при секое повторно, после болест, вклучување на детето во градинка треба да донесе лекарска потврда од матичниот лекар.

Инаку, освен негувателката, во Битола денеска се регистрирани и други шест нови случаи на заразни со коронавирус.

Можеби ќе ве интересира

СДСМ: Партизацијата на М-НАВ и неспособноста на ВМРО-ДПМНЕ се опасни за граѓаните

C +

ЦУК: Гори на планините Кожуф и Добра Вода, под контрола четири пожари

C +

Почувствуван земјотрес во југоисточните делови на Македонија, епицентарот во Грција

C +