Пред три години, дома се соочивме со задушени демократски процеси, узурпирани институции, поларизирани меѓуетнички и меѓучовечки односи, со еден збор заробена држава. Држава која беше раководена од режим и во која стратешките цели, беа заменети со интересите на партијата и поединци, рече премиерот Зоран Заев на денешното одбележување по повод денот на независноста.
– Покажавме дека знаеме и дека имаме волја да ги решаваме горливите проблеми. Проблеми кои со децении беа тргани настрана и од ден на ден стануваа се потешки за иднината и развојот на државата. Ги решивме отворените проблеми со соседите и дома започнавме со санирање на штетите од децениското анти-демократско владеење. Токму реформските процеси и унапредувањето на демократскиот амбиент остануваат во фокусот и во овој нов четиригодишен мандат., рече Заев.
