Град Скопје ги потсетува граѓаните дека е во тек јавниот повик за доделување субвенции на домаќинствата и на други субјекти за чистење оџаци, како една од мерките за намалување на последиците од загадувањето на воздухот.
Оваа година градските власти имаат предвидено 2 милиона денари за оваа мерка, или вкупно средства за доделување на околу 1.660 субвенции.
Со оваа мерка Градот ќе надомести дел од трошоците на домаќинства и на други субјекти за чистење на оџаците, во нето износ најмногу до 1.200 денари, а за субвенции можат да достават барање физички и правни лица чие живеалиште, односно седиште е на подрачјето на Скопје. Изминатите години субвенцијата беше во износ најмногу до 1.000 денари.
Субвенциите важат и за исчистени оџаци од 1 јануари годинава, a Јавниот повик трае заклучно со 30 ноември и ќе биде реализиран по принципот „прв дојден прв услужен“, односно до исцрпување на средствата предвидени за оваа намена.
Повеќе информации за јавниот повик можете да добиете на следниот линк.
НАЈЧИТАНО НА ИНТЕРНЕТ...
