ОВР Радовиш поднесе кривична пријава против А.М.(23) од с.Кондово, општина Сарај, поради постоење основи на сомнение за сторени кривични дела „криумчарење на мигранти“ и „тешки дела против безбедноста на луѓето и имотот во сообраќајот“. На 16.08.2020 околу 22.30 часот на магистралниот пат Струмица-Штип, кај клучка Радовиш, се случила сообраќајна незгода во која патничко возило „ауди Q7“, кое пријавениот го управувал и во кое превезувал 12 мигранти од Сирија, удрило во запрено товарно возило, сопственост на МВР.
Притоа, двајца мигранти загинале, а останатите се здобиле со повреди, а меѓу повредените бил и еден полициски службеник.
