Неизвесно е дали во текот на денот ќе се одржи изборот на претседател на Собранието, на која требаше да биде реизбран Талат Џафери.
Засега никој не ги коментира информациите во медиумите дека седницата за денеска се’ уште не е закажана поради незадоволство во ДУИ поради кадровските решенија за новата влада.
Изборот на Џафери за собраниски спикер го најави вчера лидерот на ДУИ, Али Ахмети, по состанкот на Централниот совет на партијата.
Џафери беше предложен повторно да претседава со Собранието, во рамки на договорот помеѓу СДСМ и ДУИ за владината коалиција.
Претседателот на Собранието се избира со најмалку 61 глас од вкупниот број на пратеници, а парламентарното мнозинство кое го договорија Заев и Ахмети го сочинуваат 62 пратеници, од кои 46 пратеници на СДСМ, 15 на ДУИ и еден на ДПА.
ПОПУЛАРНО НА ИНТЕРНЕТ...
